Даатгалын Тухай Хуульд Нэмэлт, Өөрчлөлт Оруулах Тухай

Даатгалын тухай хуулийн 19.6 дахь хэсэгт дор дурдсан заалт нэмсүгэй:

¶19.6.6.

үүсгэн байгуулагчийн аудитаар баталгаажуулсан санхүүгийн тайлан болон өр, авлага, банкны харилцах, хадгаламжийн үлдэгдлийн талаарх албан ёсны тодорхойлолтууд;

¶19.6.7.

даатгалын үйл ажиллагаа эрхлэх 3 жилийн хугацааны бизнес төлөвлөгөө;

¶19.6.8.

эрхлэх даатгалын төрөл тус бүрээр гаргасан даатгал эрхлэх журам.

Даатгалын тухай хуулийн 19.6.5 дахь заалтын мэргэшлийн гэсний өмнө даатгалын гэж нэмсүгэй.

Энэ хуулийг Аж ахуйн үйл ажиллагааны тусгай зөвшөөрлийн тухай хууль хүчин төгөлдөр болсон өдрөөс эхлэн дагаж мөрдөнө.