Хоршооны Тухай Хуульд Өөрчлөлт Оруулах Тухай

Хоршооны тухай хуулийн 3.1-ийн Материаллаг гэснийг Эдийн засгийн гэж, хувь хүмүүс гэснийг хэд хэдэн этгээд гэж, ардчилсан удирдлага гэснийг ардчилсан, хамтын удирдлага гэж, аж ахуй эрхлэх гэснийг үйл ажиллагаа явуулахаар хамтран байгуулсан гэж, 46.1-ийн 31 дүгээр гэснийг 32 дугаар гэж тус тус өөрчилсүгэй.

Энэ хуулийг 2002 оны 1 дүгээр сарын 10-ны өдөр батлагдсан Иргэний хууль хүчин төгөлдөр болсон өдрөөс эхлэн дагаж мөрдөнө.