Статистикийн Тухай Хуульд Нэмэлт, Өөрчлөлт Оруулах Тухай

Статистикийн тухай хуульд дор дурдсан агуулгатай 15¹ дүгээр зүйл нэмсүгэй:

¶15¹ дүгээр зүйл.Үндэсний статистикийн газрын ерөнхий менежерийн бүрэн эрх

¶1.

Үндэсний статистикийн газрын ерөнхий менежер нь дараахь бүрэн эрхийг хэрэгжүүлнэ:

¶1/

байгууллагынхаа орон тоо, цалингийн санг тогтоох, ажилтныг ажилд томилох, чөлөөлөх, урамшуулах, сахилгын шийтгэл ногдуулах

¶2/

батлагдсан төсвийг зориулалтын дагуу захиран зарцуулах

¶3/

хуульд заасан бусад бүрэн эрх.

Статистикийн тухай хуулийн 11 дүгээр зүйлийн 2 дахь хэсгийг дор дурдсанаар өөрчлөн найруулсугай:

¶2.

Үндэсний статистикийн газар болон аймаг, нийслэл, дүүргийн статистикийн хэлтэс, тасгийг улсын төсвөөс санхүүжүүлнэ.

Статистикийн тухай хуулийн 7 дугаар зүйлийн 1 дэх хэсгийн төвлөрсөн гэснийг улсын гэж өөрчилсүгэй.

Статистикийн тухай хуулийн 15 дугаар зүйлийн 1 дэх хэсгийн 6 дахь заалтыг хүчингүй болсонд тооцсугай.

Энэ хуулийг 2003 оны 1 дүгээр сарын 2-ны өдрөөс эхлэн дагаж мөрдөнө.