Үндсэн агуулга руу шилжих
MNLex Монгол Улсын хууль, УИХ-ын тогтоол, олон улсын гэрээ
Нүүр › Хуульд нэмэлт, өөрчлөлт оруулах тухай хууль › 2003 › Монгол Улсын Нэгдсэн Төсвийн Тухай Хуульд Нэмэлт Оруулах Тухай

Хуульд нэмэлт, өөрчлөлт оруулах тухай хууль

Монгол Улсын Нэгдсэн Төсвийн Тухай Хуульд Нэмэлт Оруулах Тухай

Хүчин төгөлдөр

Нэмэлт, өөрчлөлт бүртгэгдээгүй.

Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

Монгол Улсын Нэгдсэн Төсвийн Тухай Хуульд Нэмэлт Оруулах Тухай

2003-06-19, Улаанбаатар03-ne-126

1 дугаар зүйл.
Монгол Улсын Нэгдсэн төсвийн тухай хуульд дор дурдсан агуулгатай хэсэг, заалт нэмсүгэй:1/

6 дугаар зүйлийн 3 дахь хэсэг:

6.3.

Засгийн газар улсын төсөвт болон төсвийн гадуур арилжааны нөхцөлтэй зээл авч ашиглах, зээлийн баталгаа гаргахыг хориглоно.

2/

15 дугаар зүйлийн 3 дахь хэсэг:

15.3.

Улсын төсвийн гүйцэтгэлд Улсын Их Хурал, орон нутгийн төсвийн гүйцэтгэлд тухайн шатны иргэдийн Төлөөлөгчдийн Хурал тус тус хяналт тавина.

3/

5 дугаар зүйлийн 2 дахь хэсгийн 1, 2 дахь заалт:

5.2.1.

улсын төсвийн ерөнхийлөн захирагч нь Монгол Улсын Засгийн газар байна;

5.2.2.

төсвийн байгууллагын ерөнхий менежер нь тухайн байгууллагын хувьд төсвийн шууд захирагч байна.

2 дугаар зүйл.

Монгол Улсын Нэгдсэн төсвийн тухай хуулийн 6.2-ын Зээлийг эргүүлж төлөх баталгааг гэсний өмнө Гадаад Улсын Засгийн газар, олон улсын санхүүгийн байгууллагаас Монгол Улсын Засгийн газрын шугамаар авсан хөнгөлөлттэй гэж нэмсүгэй.