Монгол Улсын Нэгдсэн Төсвийн Тухай Хуульд Нэмэлт Оруулах Тухай

Монгол Улсын нэгдсэн төсвийн тухай хуулийн 3 дугаар зүйлд дор дурдсан агуулгатай 3.2.5 дахь заалт нэмсүгэй:

¶3.2.5.

Хүний хөгжил сангийн тухай хуулийн 3.2-т заасан эх үүсвэрээс бүрдэж, мөн хуулийн 17.1-д заасны дагуу зарцуулагдах тухайн жилд Улсын Их Хурлаас баталсан төсвийг хүний хөгжил сангийн төсөв гэнэ.

Монгол Улсын нэгдсэн төсвийн тухай хуулийн 3 дугаар зүйлийн 3.2 дахь хэсэгт орон нутгийн төсөв, Монгол Улсыг хөгжүүлэх сангийн төсөв гэсний дараа , Хүний хөгжил сангийн төсөв гэж нэмсүгэй.

Энэ хуулийг Хүний хөгжил сангийн тухай хууль хүчин төгөлдөр болсон өдрөөс эхлэн дагаж мөрдөнө.