Банкны Тухай Хуульд Өөрчлөлт Оруулах Тухай

Банкны тухай хуулийн 46 дугаар зүйлийн 46.1.3 дахь заалтыг доор дурдсанаар өөрчлөн найруулсугай:

¶46.1.3.

энэ хуулийг зөрчсөн нь гэмт хэргийн шинжгүй бол үйл ажиллагаанаас олсон орлогыг хураан авч хүн, хуулийн этгээдэд Зөрчлийн тухай хуульд заасан хариуцлага хүлээлгэх;

Банкны тухай хуулийн 32 дугаар зүйлийн 32.1.6 дахь заалтын захиргааны хариуцлага гэснийг Зөрчлийн тухай хуульд заасан хариуцлага гэж өөрчилсүгэй.

Банкны тухай хуулийн 68.1, 68.2 дахь хэсгийг тус тус хүчингүй болсонд тооцсугай.

Энэ хуулийг Зөрчлийн тухай хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.