Хөрс Хамгаалах, Цөлжилтөөс Сэргийлэх Тухай Хуульд Өөрчлөлт Оруулах Тухай

Хөрс хамгаалах, цөлжилтөөс сэргийлэх тухай хуулийн 13 дугаар зүйлийг доор дурдсанаар өөрчлөн найруулсугай:

¶13 дугаар зүйл.Хууль зөрчигчид хүлээлгэх хариуцлага

¶13.1.

Энэ хуулийг зөрчсөн албан тушаалтны үйлдэл нь гэмт хэргийн шинжгүй бол Төрийн албаны тухай хуульд заасан хариуцлага хүлээлгэнэ.

¶13.2.

Энэ хуулийг зөрчсөн хүн, хуулийн этгээдэд Эрүүгийн хууль, эсхүл Зөрчлийн тухай хуульд заасан хариуцлага хүлээлгэнэ.

Хөрс хамгаалах, цөлжилтөөс сэргийлэх тухай хуулийн 12 дугаар зүйлийн 12.2 дахь хэсгийн эрүүгийн болон захиргааны хариуцлагаас гэснийг Эрүүгийн хууль, эсхүл Зөрчлийн тухай хуульд заасан хариуцлагаас гэж өөрчилсүгэй.

Энэ хуулийг Зөрчлийн тухай хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.