Засгийн Газрын Тусгай Сангийн Тухай Хуульд Нэмэлт, Өөрчлөлт Оруулах Тухай

Засгийн газрын тусгай сангийн тухай хуулийн 91 дүгээр зүйлд доор дурдсан агуулгатай 91.8, 91.9 дэх хэсэг нэмсүгэй:

¶91.8.

Санхүү, төсвийн асуудал эрхэлсэн төрийн захиргааны төв байгууллага нь Төсвийн тогтворжуулалтын сангийн хөрөнгийг хүүгийн түвшин нь арилжааны банкны тухайн жилийн хадгаламжийн хүүгийн түвшнээс багагүй байх санхүүгийн хэрэгсэлд байршуулна.

¶91.9.

Энэ хуулийн 91.7, 91.8 дахь хэсгийн хэрэгжилтийг Монгол Улсын нэгдсэн төсвийн гүйцэтгэл, Засгийн газрын санхүүгийн нэгтгэсэн тайланд тусгаж Улсын Их Хуралд танилцуулна.

Засгийн газрын тусгай сангийн тухай хуулийн 91 дүгээр зүйлийн 91.6 дахь хэсгийн Монголбанкин дахь төрийн сангийн гэснийг Төрийн сангийн нэгдсэн дансны гэж өөрчилсүгэй.

Засгийн газрын тусгай сангийн тухай хуулийн 91 дүгээр зүйлийн 91.7 дахь хэсгийн , Монголбанк хооронд байгуулсан гэрээний үндсэн дээр Монголбанк гэснийг хассугай.

Энэ хуулийг 2015 оны 6 дугаар сарын 18-ны өдрөөс эхлэн дагаж мөрдөнө.