Засгийн Газрын Тусгай Сангийн Тухай Хуульд Нэмэлт Оруулах Тухай

5 дугаар зүйлийн 5.3.23 дахь заалт:

¶5.3.23.

Өргөн нэвтрүүлэг хөгжүүлэх сан.

21¹ дүгээр зүйл:

¶21¹ дүгээр зүйл.Өргөн нэвтрүүлэг хөгжүүлэх сан

¶21¹.1.

Өргөн нэвтрүүлэг хөгжүүлэх сангийн хөрөнгө нь дараах эх үүсвэрээс бүрдэнэ:

¶21¹.1.1.

улсын болон орон нутгийн төсөв;

¶21¹.1.2.

дотоодын аж ахуйн нэгжийн хандивын хөрөнгө;

¶21¹.1.3.

бусад эх үүсвэр.

¶21¹.2.

Энэ хуулийн 21¹.1-д заасан сангийн хөрөнгийг доор дурдсан арга хэмжээг санхүүжүүлэхэд зарцуулна:

¶21¹.2.1.

өргөн нэвтрүүлгийн үйлчилгээг ард иргэдэд алслагдсан, сүлжээ хүрээгүй газарт хүртээмжтэй хүргэх;

¶21¹.2.2.

үйлдвэрлэхэд өртөг өндөр үндэсний түүх, соёл, уламжлал, хүүхэд, танин мэдэхүйн нэвтрүүлэг бэлтгэн хүргэх;

¶21¹.2.3.

өргөн нэвтрүүлгийн радио, телевизийн бүтээл үйлдвэрлэлийг дэмжих.

¶21¹.3.

Өргөн нэвтрүүлэг хөгжүүлэх сангийн дүрэм, хөрөнгийг зарцуулах журмыг Засгийн газар батална.

Энэ хуулийг Өргөн нэвтрүүлгийн тухай хууль хүчин төгөлдөр болсон өдрөөс эхлэн дагаж мөрдөнө.