Үндсэн агуулга руу шилжих
MNLex Монгол Улсын хууль, УИХ-ын тогтоол, олон улсын гэрээ
Нүүр › Хуульд нэмэлт, өөрчлөлт оруулах тухай хууль › 2020 › Эрүүгийн Хуульд Өөрчлөлт Оруулах Тухай

Хуульд нэмэлт, өөрчлөлт оруулах тухай хууль

Эрүүгийн Хуульд Өөрчлөлт Оруулах Тухай

Хүчин төгөлдөр

Нэмэлт, өөрчлөлт бүртгэгдээгүй.

Эрүүгийн эрх зүй

Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

Эрүүгийн Хуульд Өөрчлөлт Оруулах Тухай

2020-01-16, Улаанбаатар20-ne-011

1 дугаар зүйл.

2015 оны 12 дугаар сарын 03-ны өдөр баталсан Эрүүгийн хуулийн 17.12 дугаар зүйлийн 2 дахь хэсгийг доор дурдсанаар өөрчлөн найруулсугай:

2.

Энэ гэмт хэргийг:

2.1.

олон тооны мал хулгайлж;

2.2.

бүлэглэж;

2.3.

улсын хилээр нэвтрүүлж;

2.4.

машин механизм ашиглаж;

2.5.

ноцтой хохирол, хор уршиг учруулж;

2.6.

гойд ашиг шимт малыг хулгайлж үйлдсэн бол хоёр жилээс найман жил хүртэл хугацаагаар хорих ял шийтгэнэ.

2 дугаар зүйл.

Эрүүгийн хуулийн 17.12 дугаар зүйлийн тайлбарын хоёр дахь хэсгийн хорин дөрвөн бог, найман бодоос дээш гэснийг найман бог, хоёр бод, түүнээс дээш гэж, нэг бодыг гурван богоор гэснийг нэг бодыг дөрвөн богоор гэж тус тус өөрчилсүгэй.

3 дугаар зүйл.

Эрүүгийн хуулийн 17.12 дугаар зүйлийн 1 дэх хэсгийн хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл гэснийг хассугай.