УИХ-ын тогтоол
Хүүхдийн мөнгөн тэтгэмжийн талаар авах зарим арга хэмжээний тухай
Хүчин төгөлдөрНэмэлт, өөрчлөлт бүртгэгдээгүй.
▼M — энэ хэсэгт дараа нь өөрчлөлт орсон; дарахад өөрчилсөн хууль нээгдэнэ. Тэмдэггүй хэсэг — анхны эх. Бүх өөрчлөлт хүснэгтээр
Хүүхдийн мөнгөн тэтгэмжийн талаар авах зарим арга хэмжээний тухай
2022-11-11, Улаанбаатар71
Монгол Улсын Их Хурлын тухай хуулийн 5 дугаар зүйлийн 5.1 дэх хэсгийг үндэслэн Монгол Улсын Их Хурлаас ТОГТООХ нь:
Эцэг, эх, асран хамгаалагч, харгалзан дэмжигчийн гаргасан хүсэлтэд үндэслэн Монгол Улсын 0-18 хүртэлх насны хүүхэд бүрд 100,000 /зуун мянга/ төгрөгийн хүүхдийн мөнгөн тэтгэмжийг сар бүр олгосугай.
Энэ заалтыг 2023 оны 06 дугаар сарын 16-ны өдрийн 45 дугаар тогтоолоор өөрчлөн найруулсан.
/Энэ хэсэгт 2023 оны 6 дугаар сарын 16-ны өдрийн хуулиар өөрчлөлт оруулсан бөгөөд 2023 оны 7 дугаар сарын 1-ний өдрөөс эхлэн дагаж мөрдөнө/
Хүүхдийн мөнгөн тэтгэмж олгох үйл ажиллагааг дараах хэлбэрээр зохион байгуулахыг Монгол Улсын Засгийн газар /Л.Оюун-Эрдэнэ/-т даалгасугай:
өрхийн амьжиргааны түвшинг нарийвчлан тооцохдоо өрхийн мэдээллийн нэгдсэн сан болон төрийн мэдээллийн бусад санг ашиглан бүрдүүлэх;
хүүхдийн мөнгөн тэтгэмжийг хүүхдийн мөнгөн хуримтлал болон бусад хэлбэрээр хадгалах, хөрөнгө оруулалт хийх боломжийг олгох;
хүүхдийн мөнгөн тэтгэмжийг согтууруулах ундаа, тамхины хэрэглээнд зарцуулахыг хориглох.
эцэг, эх, асран хамгаалагч, харгалзан дэмжигч нь хүүхдийн мөнгөн тэтгэмжээ Хүүхдийн төлөө санд шилжүүлэх хүсэлт гаргасан бол уг зохицуулалтыг холбогдох журамд тусгах.
Энэ дэд заалтыг 2023 оны 06 дугаар сарын 16-ны өдрийн 45 дугаар тогтоолоор нэмсэн.
/Энэ хэсэгт 2023 оны 6 дугаар сарын 16-ны өдрийн хуулиар нэмэлт оруулсан бөгөөд 2023 оны 7 дугаар сарын 1-ний өдрөөс эхлэн дагаж мөрдөнө/
2023 оны 1-6 дугаар сард хүүхдийн мөнгөн тэтгэмжид хамрагдаагүй хүүхдэд 2023 оны 07 дугаар сарын 01-ний өдрөөс эхлэн хүүхдийн эцэг, эх, асран хамгаалагч, харгалзан дэмжигчийн гаргасан хүсэлтэд үндэслэн уг хугацаанд ногдох мөнгөн тэтгэмжийг нөхөн олгосугай.
Энэ заалтыг 2023 оны 06 дугаар сарын 16-ны өдрийн 45 дугаар тогтоолоор нэмсэн.
/Энэ хэсэгт 2023 оны 6 дугаар сарын 16-ны өдрийн хуулиар өөрчлөлт оруулсан бөгөөд 2023 оны 7 дугаар сарын 1-ний өдрөөс эхлэн дагаж мөрдөнө/
Энэ тогтоол гарсантай холбогдуулан “Хүүхдийн мөнгөн тэтгэмжийн талаар авах зарим арга хэмжээний тухай” Монгол Улсын Их Хурлын 2019 оны 11 дүгээр сарын 28-ны өдрийн 96 дугаар тогтоолыг хүчингүй болсонд тооцсугай.
Энэ заалтын дугаарт 2023 оны 06 дугаар сарын 16-ны өдрийн 45 дугаар тогтоолоор өөрчлөлт оруулсан.
МОНГОЛ УЛСЫН ИХ ХУРЛЫН ДАРГА Г.ЗАНДАНШАТАР